Ұзатылатын қызға жасау-жабдық жасату

3
4152

Тәрбиелі аналар қыздары ес біліп, оң мен солын тани бастасымен- ақ, әр түрлі еңбекке баулиды, қолдарына ине — жіп, біз — қайшы, оймақ беріп жастайынан кесте тіктіріп, киім жапқыш, жастық қап, аяққап, орамал — сүлгі кестелетіп, ою  ойдырып, сырмақ сырғызып, кілем тоқытып, түйін түйдіріп, киім піштіріп болашақ отауға қажетті жасау жабдықтарды күні ілгері өздеріне әзірлеткен.

құрақ көрпе тігу, қыз жасауы, қыз жасауын жасату, кұрақ көрпе, тұрмыстық заттар, жасау жасату

Ал қызы бойжетіп, ұзататын мезгілі белгіленген соң, қыз ата — анасы бардам адам болса, ауылына атақты ұсталар мен зергерлерді арнайы алдырып, қызының ер -тұрман, алқа – білезік, киім — кешек және отау үйін жасатады. Ал қолы қысқа адамдар болса, онда әл — ауқаттарына қарай қажетті үй жабдықтары мен қолдағы тәуір нәрселерін қыздарының «жасауына» алдын ала әзірлеп қояды да, қыздарын ұзатқанда отаулап немесе жасау — жабдығын мүмкіндігінше толықтап береді.

құрақ көрпе тігу, қыз жасауы, қыз жасауын жасату, кұрақ көрпе, тұрмыстық заттар

Ұзататын қызға арнаулы  жасау-жабдық жасату – жаңа бас құрған екі жастың, әсіресе, қыздарының барған жерінде қиындық көріп, жылап — сықтап қалмауы үшін жасалған қамқорлық. Сондай- ақ, қыз ата-анасының болашақ жас отаудың шаңырағы биік, босағасы берік болып, балаларының түтіні түзу ұшып, бай — бақытты тұрмыс өткізсін деген ізгі ниеті.

Бұл ата — бала арасындағы сүйіспеншілікті нығайтады. Ұрпақ алдында ата-ананың беделін жоғарылатады. Ұрпақтарға жауапкершілік пен борыштылық сезімін ұялатады.

3 Пікір

  1. РАСЫМЕН ДЕ ОЙЛАНДЫРАТЫН ШАРУА . ЖАҚЫНДА ТҰРМЫСҚА ШЫҒАМЫН МИНЕ СОЛ ТОЛҒАНДЫРЫП ЖҮР………….

Пікір қосу