My Weblog: kutahya web tasarim umraniye elektrikci uskudar elektrikci umraniye elektrikci istanbul elektrikci satis egitimi cekmekoy elektrikci uskudar kornis montaj umraniye kornis montaj atasehir elektrikci beykoz elektrikci

қыз ұзату, той, қалыңдық, қызға тәрбие, қыз тәрбиелеу

Қазақ халқы қыздарына яғни болашақ қалыңдықтарға  морал, мұрат, адамгершілік, ар-намыс тәрбиесін егжей-тегжейлі жүргізумен бірге, қыздары есейіп, оң мен солын тани бастағанда, ұзатылар шағында оларға он түрлі талап қойып мынандай үш серік табу шарт деп қараған:

1. Сарқылмас ақыл-білім, мол үлгі-тағылым табу. Себебі, қыз балалардың дене қуаты мен жаратылысы біршама әлсіз әрі нәзік болатындықтан, қатты-қайырым істерге икемсіз келеді. Сондай кезде мол білім мен ақыл-айла, үлгі тағылымы мол болса, қандай да болсын істі ебін тауып жөнге салып, отбасын қуанышқа бөлеп, ел-жұртының сый-құрметі мен алқауына ие болады. «тәлімді ана, тәрбиелі келін» атанады.

2. Өшпейтін, өлмейтін өнер табу. Сондай-ақ, үй ұстап, бала тәрбиелеуді, тон пішіп, кесте тігуді, әр түрлә ас-тағам мен сусын әзірлеуді, қонақ қабылдап, мейман күтуді, т.б жетік меңгеру. Өнер мен іскерлік-әйел затының қадір-қасиетінің арттыратын бағалы байлық.

3. Жақсы жар табу. Жақсы жар-болашақ отбасының ұйытқысы, тату-тәтті отбасын құрып, бақыт-байлыққа қол жеткізіп, ұлағатты ұрпақ тәрбиелеудің кілті. Сол себепті, қазақ қыздары жар таңдау ісіне ерекше көңіл бөлген. «Жар таңдауда жаза басқан қыз жазылмас дертке жолығады,басынан уайым-қайғы арылмайды» деп болашақ жар таңдау ісіне өскелең адамгершілік жауапкершілікпен қарауға дағдыландырылған әрі қыздарына мынадай он талап қойған:

1) Әдепті, ибалы болу.
2) Ар-ұжданы пәк болу.
3) Мейір-шапағатты болу
4) Кеңпейіл,кешірімді болу
5) Ақыл-парасатты болу
6) Сабыр-тақатты болу
7) Адал, ақжарқын болу
8) Моралды, мұратты болу
9) Өжет, батыл болу
10) Ұятты, намысты болу

Бұл тәрбие қыз балаларды мол өнер-ғылым үйренуге, адал, арлы, әдепті, ибалы, мейір-шапағатты, кеңпейіл, кешірімді, моралды, мұратты болуға дағдыландырады. Маххаббат пен некеге өскелең адамгершілік деңгейде қарауға баулиды. Пәктікке, адалдыққа, арлылыққа жетелейді.

Пікір жоқ

Пікір қосу